Ilmiy xabarnoma - Scientific bulletin

Jurnal haqida

ISSN 2181-1563

 

Ilmiy xabarnoma – Scientific Bulletin” jurnali Zahiriddin Muhammad Bobur nomidagi Andijon davlat universiteti muassisligida chop etiladi.

2009–2019-yillarda Andijon davlat universiteti muassisligida “Ilmiy xabarnoma – Научный вестник(ISSN 2091-5780) nomi bilan ilmiy jurnal chop etilgan. Ushbu jurnal Andijon viloyati Matbuot va axborot boshqarmasi tomonidan 2009-yil 7-aprelda 04-039 raqami bilan ro‘yxatga olingan hamda 2020-yilga qadar bir yilda 4 martadan muntazam chop etilgan.

2019-yilda “Ilmiy xabarnoma – Научный вестник” jurnalidan “Ilmiy xabarnoma. Fizika-matematika tadqiqotlari” (ISSN: 2181-0702) jurnali ajralib chiqdi va mustaqil jurnal sifatida chop qilina boshladi.

 

2020-yildan boshlab esa jurnal seriyalarga ajratilgan holda qayta tashkil qilindi. Qayta tashkil qilingan jurnal “Ilmiy xabarnoma – Scientific Bulletin” nomi bilan 2020-yil 7-avgustda O‘zbekiston Respublikasi Prezidenti Adminstratsiyasi huzuridagi Axborot va ommaviy kommunikatsiyalar agentligi tomonidan 1097 raqami bilan ro‘yxatga olinib, quyidagi 4 seriyada chop etila boshlandi:

Ilmiy xabarnoma. Seriya: Gumanitar tadqiqotlar – Scientific Bulletin. Series: Humanitarian Studies.

Ilmiy xabarnoma. Seriya: Pedagogik tadqiqotlar. – Scientific Bulletin. Series: Pedagogical Research.

Ilmiy xabarnoma. Seriya: Kimyo tadqiqotlari. – Scientific Bulletin. Series: Chemical Research.

Ilmiy xabarnoma. Seriya: Biologik tadqiqotlar. – Scientific Bulletin. Series: Biological Research.

 

Jurnalning maqsad va vazifalari

 

Ilmiy xabarnoma – Scientific Bulletin” jurnalining maqsadi mutaxassis va olimlarning ilmiy va uslubiy ahamiyatga molik maqolalari, ilmiy axborotlari, ixtirolari, yangi ilmiy izlanishlar natijalarini, ishlab chiqarishga qo‘llashga doir ilmiy tavsiyalarini chop etish orqali ilm-fan rivojiga hissa qo‘shishdan iborat. Jurnalning vazifalari:

- universitetda va boshqa oliy o‘quv yurtlarida tabiiy, gumanitar va pedagogika fanlari bo‘yicha olib borilayotgan ilmiy tadqiqot ishlari natijalari bilan tanishtirib borish;
 
- ilmiy tadqiqot ishlari natijalarining amaliyotga tatbiq etilishiga ko‘maklashish;
 
- turli oliy o‘quv yurtlari va ilmiy muassasalarda olib borilayotgan tadqiqotlarning o‘zaro muvofiqlashtirilishiga qo‘shimcha imkon yaratish;
 
- yuqori malakali ilmiy-pedagogik kadrlar yetishtirishga ko‘maklashish.

 

Ilmiy xabarnoma – Scientific Bulletin” jurnali tabiiy, gumanitar va pedagogika sohalariga ixtisoslashgan.

Jurnal bir yilda 8 marta (har bir seriya 2 marta) chop etiladi.

Maqolalar o‘zbek, rus va ingliz tillarida qabul qilinadi.

Chop etilgan sonlarning to‘liq matni bilan “Arxiv” bo‘limida tanishish mumkin.

Ilmiy xabarnoma – Scientific Bulletin” jurnaliga kelgan barcha maqolalar tegishli soha mutaxassislari tomonidan taqrizdan o‘tkazilishi qat’iy belgilangan.

Maqolalarning chop etilish muddati maqola tahririyatga kelib tushganidan keyin bir yilgacha vaqtni olishi mumkin.

Jurnal nusxalarining tarqatilishi tahririyat tomonidan faqat obuna bo‘yicha amalga oshiriladi.

 

Tahririyat manzili: O‘zbekiston Respublikasi, Andijon shahri, Universitet ko‘chasi, 129-uy, Andijon davlat universiteti tarix fakulteti binosi.

E-mail: adu_xabarnoma@mail.ru